Po is mesis de abrili e maju in su ex Guventu de Santu Franciscu in Bia 'Brigata Sassari', in sa sala de sa Biblioteca de is lìnguas de minoria, S'Assessorau a is Polìticas po su Spetàculu, Su connotu e sa Lìngua Sarda impari a su Ufìtziu de sa Lìngua Sarda, ant aprontau unas cantu presentadas cun autoris sardus po arrexonai de is òperas insoru.Is presentadas funt cuàturu e funt totus sa cenàbara a is 5 e mesu de a meri'.Su 17 de abrili: Paolo Zedda “S'arti de is mutetus”, Gorée; su 24 de abrili: Chiara Teresa Perra “Apitzus de unu pistilloni”, Aipsa; su 8 de maju: Valentina Pulina, Milvia Serra “Una stòria cuartesa trobeddada meda”, in "Làcanas" a puntadas, Domus de Janas; su 22 de maju: Mario Puddu “Grammàtica de sa limba sarda”, Condaghes.Seis totus cumbidaus a benni e a arrexonai cun is autoris de is fainas insoru.At a presentai Ivo Murgia de s'Ufìtziu Lìngua Sarda de Cuartu.

Est bessiu su bandu po su cursu de sardu de su 2009 chi at apariciau su cumunu cun s'agiudu de sa lei 482/99.Ocannu s'idea de su cursu, po is dipendentis comunalis e po is atrus puru, est de fai unu cursu/laboratòriu apitzus de s'aministratzioni pùbrica e de s'Urp in particulari po ndi fai, a s'acabada, unu libureddu a fumetus po totu is utentis.Is docentis funt Eleonora Carboni e Andrea Mureddu po sa parti de is fumetus e Veronica Atzei po sa parti in sardu. Po s'assentai nc'at tempus fintzas a su 9 de martzu. Sa domanda fait a ndi dda scarrigai de innoi etotu.

Cumenti eus fatu ocannu passau seus aprontendi sa pubricatzioni de is àutus de su cumbènniu e prèmiu literàriu “Su Mutetu”. Su primu lìburu chi eus fatu, in su 2007 cun s'agiudu de sa lei sarda 26/97, est “Su cantu de sei in Sardìnnia - Su Mutetu”, Alfa Editrice. Ddui funt is artìculus de Marco Lutzu, Paolo Bravi, Costantino Casula, Paolo Zedda, Carlo Pillai e Sebastiano Pilosu. A prus, eus pubricau fintzas totu is mutetus premiaus cun is motivatzionis de sa giuria. Sigumenti est unu traballu chi est pràxiu meda, ocannu puru ddui ant a essi is contributus de custus studiosus e de atrus puru, cumenti a Antonio Melis e Jean Jacques Andreani, chi ant a arricai de prus puru sa pubricatzioni cun d-una mirada internatzionali e de cunfrontu cun sa poesia sudamericana e corsicana e finas cun is espressionis noas de s'improvisatzioni cumenti e su “rap”.

“Ainas po su sardu - Materiali didattici per la lingua sarda”, Alfa Editrice, est su lìburu chi eus presentau sàbudu su 6 de mesi de idas a is 5 de a meri' (17.00) in su Ex Guventu de Santu Franciscu in bia “Brigata Sassari”.Est una parti de su materiali chi is docentis de su cursu de sardu ant manigiau po is letzionis insoru e finas cun atra cosa mai pubrica prima, cumenti a unu processu in sardu-logudoresu de su 1600 de su tribunali de Tèmpiu, a incuru de Franciscu Carboni e una prèdica in sardu-campidanesu de su 1700, a incuru de Càralu Pillai. Ddui funt fintzas scritus de poesia, lìngua, lei, didàtica e totu is ainas chi podint serbiri po traballai beni cun su sardu.Funt bènnius giai totu is docentis de su cursu: Càralu Pillai, Franciscu Carboni, Pàulu Zedda, Debora Steri, Franca Marcialis, Franciscu Cheratzu, Màriu Puddu e is scientis de su cursu.

Mèrcuris su dexennoi de mesi de Idas de su 2007 eus obertu sa primu "Biblioteca de is lìnguas de minoria". Ddui podeis agatai lìburus in lìngua sarda, chi chistiònant de lìngua sarda e de is atras lìnguas de minoria italianas e europeas. Est in bia "Brigata Sassari", in su Guventu de Santu Franciscu. Is oràrius de obertura funt custus: de su lunis a sa cenàbara de is noi oras de a mengianu fintzas a sa una (09.00-13.

Su "UFILS" si salùdat a totus cun custu situ nou de su "Ufìtziu Lìngua Sarda" de su Cumunu de Cuartu Sant'Aleni.Seus traballendi po amellorai sa faina e po podi presentai de sa mellus manera totu su chi eus fatu e chi seus fendi po sa lìngua e sa cultura sarda.Chi teneis preguntas, cunsillus, cosa de nai, si agatais innoi: E-mail: ufils.cuartu@comune.quartusantelena.ca.it Tel. 070 8601 2206 Nùmeru birdi: 800 708 888............